ການຮ່ວມມືດ້ານການພັດທະນາຂອງປະເທດສະວິດເຊີແລນໃນພາກພື້ນແມ່ນ້ຳຂອງໄດ້ສ້າງຕັ້ງຂື້ນໃນຊຸມປີ 1970 ແລະ ໄດ້ຮັບມິຕິໃໝ່ ໃນກາງຊຸມປີ 90 ເມື່ອການຮ່ວມມືດັ່ງກ່າວໄດ້ກາຍເປັນບຸລິມະສິດຂອງພາກພື້ນນີ້. ປະເທດ ສະວິດເຊີແລນ ໄດ້ໃຫ້ການສະໜັບສະໜູນການຫັນປ່ຽນດ້ານເສດຖະກິດຂອງບັນດາປະເທດຕ່າງໆ ຈາກການລິ ເລີ້ມໃນຂະແໜງການກະສິກຳ, ການສຶກສາຂັ້ນສູງ,ການສົ່ງເສີມພາກສ່ວນເອກກະຊົນ, ການປະຕິຮູບການ ບðລິຫານຄຸ້ມຄອງລັດ ແລະ ສິ່ງແວດລ້ອມ.

ການຮ່ວມມືດ້ານການພັດທະນາຂອງສະວິດເຊີແລນໃນພາກພື້ນແມ່ນຳ້ຂອງເຊີ່ງປະກອບມີຫວຽດນາມ, ສປປ ລາວ, ກຳປູເຈຍ ແລະ ພະມ້າ ແມ່ນໂຄງການຮ່ວມລະຫວ່າງ ອົງການເພື່ອການພັດທະນາ ແລະ ການຮ່ວມມືຂອງສະວິດເຊີແລນ ແລະ ກອງເລຂາແຫ່ງລັດດ້ານວຽກງານເສດຖະກິດ (ເຊໂກ).

ຍຸດທະສາດການຮ່ວມມືຂອງສະວິດ ເຊີແລນ ໃນໂຄງການ ພາກພື້ນແມ່ນຳ້ຂອງ ປີ 2007-2011 ມີຈຸດປະສົງ ເພື່ອ ອຳນວຍຄວາມສະດວກໃນການປະສົມປະສານດ້ານເສດຖະກິດ ແລະ ສັງຄົມຂອງພາກພື້ນ ແລະ ຂອງໂລກ, ເພື່ອ ປັບປຸງຊີວິດການເປັນຢູ່ ແລະ ປົກປັກຮັກ ສາຊັບພະຍາກອນທຳມະຊາດໃນພາກພື້ນ ໂດຍ ການສະໜັບສະໜູນ ບັນດາປະເທດຕ່າງໆ ໃນການຈັດຕັ້ງປະຕິບັດ ຍຸດທະສາດການພັດທະນາແຫ່ງຊາດ ຂອງເຂົາເຈົ້າເພື່ອ ລຸດຜ່ອນ ຄວາມທຸກຍາກ ແລະ ການຂະຫຍາຍຕົວ ທາງດ້ານເສດຖະກິດ ແບບຍືນຍົງ ໂດຍເຮັດໃຫ້ມີການລິເລີ້ມສິ່ງໃໝ່ທີ່ ຕິດພັນກັບວຽກດັ່ງກ່າວໃນພາກພື້ນນີ້.

ການຮ່ວມມືຂອງປະເທດສະວິດເຊີແລນໃນພາກພື້ນນີ້ໄດ້ສຸມໃສ່ສີ່ຂົງເຂດການຮ່ວມມືດັ່ງນີ້:
• ການປົກຄອງ
• ການພັດທະນາການດຳລົງຊີວິດໃນເຂດຊົນນະບົດ ແລະ ການຄຸ້ມຄອງຊັບພະຍາກອນທຳມະຊາດ
• ການພັດທະນາເສດຖະກິດໂດຍສຸມໃສ່ການພັດທະນາການສົ່ງເສີມພາກເອກກະຊົນ
• ການກະກຽມ ແລະ ການຕອບໂຕ້ຕð່ໄພພິບັດ

ການປົກຄອງ ແລະ ບົດບາດຍິງຊາຍຖືເປັນຫົວຂð້ທີ່ສຳຄັນຮ່ວມກັນກັບຫົວຂð້ອື່ນໆ.